Sot është hapur fabrika e re e prodhimit të tubave metalike “Metal Kosova” në Babush të Ferizajt.
Në hapje mori pjesë edhe kryeministri Kurti, ministri i Financave Hekuran Murati dhe kryetari i komunës së Ferizajt Agim Aliu.
Të tretë e prenë shiritin bashkë.
Kurti ka thënë se kjo fabrikë është dëshmi që industria në Kosovë është duke u rritur.
“Metal Kosova është dëshmi që industria në Kosovë është duke u rritur. Nëse shohim eksportet në Kosovë që janë dyfishuar në këto më pak se katër vjetët e fundit përveç teknologjisë së informacionit dhe komunikimit, dallohen përpunimi i metaleve, edhe përpunimi i drurit dhe është interesante që edhe përpunimi i metaleve, edhe përpunimi i drurit, gjallojnë e lulëzojnë si askund tjetër në Kosovë pikërisht këtu në Ferizaj”, tha Kurti.
