Barcelona kërkon triumfojë kundër Benfica-s të martën dhe të kalojë në çerekfinalet e Ligës së Kampionëve, dhe nuk ka dyshim se Raphinha është një pjesë e madhe e shpresave të tyre për të ecur përpara dhe për të konkurruar në Evropë këtë sezon.
Anësori ka qenë në formë të mahnitshme që nga fillimi i sezonit dhe ka qenë i shkëlqyer në të gjitha garat, por ai ka ruajtur paraqitjet e tij më të mira për netët e Champions League, duke shënuar 9 gola në 9 ndeshje deri më tani dhe duke u kthyer në një nga lojtarët më të mirë në botë, shkruan Klankosova.tv
Braziliani shihet si pretendent për Topin e Artë, të tillë e sheh edhe trajneri Flick.
“Po, padyshim. Ai ka luajtur shumë mirë këtë sezon. Ai është një lojtar që gjithmonë ndihmon, i ka të gjitha karakteristikat e një lojtari të mirë. Është shumë i fokusuar dhe jam shumë i lumtur që është në ekipin tonë”, tha ai në një konferencë për shtyp për brazilianin.
