- Advertisement -
Ish ministri i Financave, tash kryetar i Mitrovicës, Bedri Hamza, tha se nëse do të kishte qenë ministër nuk do të lejonte grevën.
“Me qenë ministër, me kërkesat aktuale që i kanë, as që e kisha leju me ndodh greva”, tha ai.
Derisa u pyet nga analistët në studio të “Pressing”, Hamza tregoi edhe se si do të ndalte grevat.
“Me çfarë metode?! E para u dashtë me u bo ligji i pagave shumë më herët, me u adresu vërejtjet e Gjykatës Kushtetuese, me i inkorporu në ligj, me procedu ligjin, jo me prit 3 vjet. Sikur ligji të kish kalu në vitin 2020, grevat sot skishin ndodh”, tha Hamza.
Kujtojmë që BSPK që nga 25 gushti ka hyrë në grevë.
