Hamiti i LDK-së ironizon: Sipas Qeverisë, në kohën e regjimit të ri ka korrupsion të mirë

Anëtari i Kryesisë së LDK-së, Muhamet Hamiti, ka ironizuar me mbrojtjen që Qeveria Kurti po ia bën drejtorit të KEK-ut, Nagip Krasniqi, i cili është arrestuar të mërkurën nën dyshimin e disa veprave korruptive.

Në profilin e tij në “Facebook”, ai ka shkruar se sipas Qeverisë së Kosovës ka korrupsion të mirë dhe korrupsion të keq.

“Në kohën e regjimit të vjetër kishte korrupsion të keq. Në kohën e regjimit të ri ka korrupsion të mirë. Qeveria e Kosovës – #KREJTdheDREJT”, ka shkruar Hamiti.