- Advertisement -
Ministrja e Jashtme e Francës, Catherine Colonna, ka thënë se të paktën disa nga nëntë shtetasit francezë që janë zhdukur që nga sulmi i Hamasit ndaj Izraelit më 7 tetor janë mbajtur peng.
“Ne nuk kemi asnjë lajm specifik [për ta], por disa prej tyre e dimë se janë marrë peng”, tha Colonna në një intervistë me radiostacionin francez RTL dhe e cituar nga Associated Press.
“Ne kërkojmë lirimin e të gjithë pengjeve dhe jo vetëm të pengjeve franceze”, shtoi ajo.
Të enjten, Ministria e Jashtme e Francës tha se 35 qytetarë francezë u vranë në sulmet e Hamasit në Izrael më 7 tetor.
