- Advertisement -
Zëdhënësja e Lidhjes Demokraike të Kosovës, Sibel Halimi e ka quajtur Qeverinë Kurti qeveri të lëmoshës dhe bakllavasë.
Sipas Halimit, Qeveria Kurti në vend se t’ua paguante rrogat para festës policëve, ajo tha se Qeveria mjaftohet t’ua urojë Bajramin e Kurbanit.
Teksa theksoi se ky veprim është tallje me policët.
“Në vend se t’ua paguante rrogat para feste policëve, Qeveria mjaftohet t’ua urojë Bajramin e Kurbanit.
Kryeministri Albin Kurti në vend që t’ua paguante rrezikshmërinë në punë – që ua hoqi – dhe sigurimet shëndetësore e jetësore – që s’i patën kurrë – ai u shërben policëve bakllava në veri!? Kjo është tallje, sepse as nuk integrohet veriu me polici dhe as nuk do të shërbehen policët përditë me bakllava.
Po të mos ishte tragjike kjo situatë është groteske”, ka shkruajtur ajo.
Ndryshe kryeministri i Kosovës, Albin Kurti gjatë vizitës së tij në veri i ka shërbyer policët me bakllavë e ëmbëlsira për festën e Kurban Bajramit.
Kurse edhe shefi i Grupit Parlamentar të AAK-së, Besnik Tahiri, i ka bërë thirrje kryeministrit, Albin Kurti, që t’ia japë policisë shtesat e rrezikshmërisë.
