Mbrëmë në fshatin Krushë e Madhe të Rahovecit, banorët janë tmerruar nga hajnat.
Cak të tentim-vjedhjesh ishin tri shtëpi të këtij fshati.
Dyshohet se aty, grabitësit kishin përdorur edhe armën.
Lidhur me rastin janë deklaruar edhe nga ana e policisë në Gjakovë.
Drejtori rajonal Lumni Graishta, tha për Klankosova.tv se deri në këto momente nuk ka ndonjë person të dyshuar.
“Në tri lokacione është tentuar të depërtohet, në dy shtëpi nuk kanë arritur të depërtojnë ndërkaq në të tretin hajnat janë vërejtur nga banorët.
Dyshohet se grabitësit e kanë përdorur edhe armën”, tha Graishta.
“Nuk kanë arritur të marrin ndonjë gjë. Nuk ka të raportuar ndonjë të lënduar nga ky rast. Nuk kemi ndonjë person të arrestuar”, shtoi ai.
Ky nuk është hera e parë që krushianët ballafaqohen me raste të grabitjes.
