Hailey Bieber, e cila po shijon jetën si nënë e re, ndau një moment të veçantë me fansat e saj duke prezantuar një unazë të dizajnuar me gurët e lindjes së saj dhe të djalit të porsalindur, Jack.
Në një postim në Instagram Story, 28-vjeçarja tregoi unazën e veçantë me një topaz dhe një peridot, duke shkruar “Jack” pranë gurit të djalit dhe “Mama” pranë gurit të saj.
Modelja shfaqi gjithashtu tatuazhet e saj të duarve dhe stilin unik të thonjve, duke tërhequr sërish vëmendjen për detajet e saj estetike, shkruan DailyMail.
Kjo shënon daljen e parë të saj në publik pas lindjes së djalit në fund të gushtit, ndërsa datën e saktë ende nuk e ka konfirmuar.
E martuar me Justin Bieber që nga viti 2018, Hailey ka arritur të mbajë rutinën e saj të zakonshme të bukurisë edhe pas lindjes.
Justin Bieber, nga ana e tij, duket i lumtur me rolin e tij të ri si baba, duke ndarë momente të ëmbla nga jeta e tij familjare në rrjetet sociale. Një burim i afërt ka zbuluar se ai është një baba i përkushtuar dhe po e shijon plotësisht këtë fazë të re në jetën e tyre.
