Hailey Bieber u duk tejet e veçantë me veshjen e saj në Galanë e Muzeut të Akademisë.
Në gala-në e mbajtur të shtunën, më 18 tetor, Bieber kishte veshur një fustan skulpturor ngjyrë kafe nga koleksioni Schiaparelli Couture Pranvera 2025, me një korse që krijonte iluzion në ngjyrë lëkure dhe me një çarje të lartë në kofshë, të zbukuruar me kristale në pjesën e poshtme të fustanit.
Megjithatë, veshja nuk dukej aspak praktike, pasi i pamundësonte Hailey-t të ulej në mënyrë të rehatshme.
Foto: Hailey Bieber / Instagram
Kjo u bë e dukshme përmes një fotografie qesharake që ajo publikoi në Instagram, ku shihet duke u përpjekur me vështirësi të ulet në një kolltuk.
Hailey u fotografua e përkulur anash, me korsetën e ngurtë të fustanit që e pengonte të qëndronte normalisht e ulur.
Foto: Hailey Bieber / Instagram
Ajo e kishte kombinuar veshjen me taka të lehta dhe thonj të lyer në ngjyrë kafe, për t’u përputhur me fustanin.
Pavarësisht parehatisë, Bieber foli me entuziazëm për mbrëmjen, duke shkruar në përshkrim: “Gjithmonë një natë e bukur @academymuseum”.
Hailey publikoi gjithashtu disa foto të tjera prapa skenave, ku pozonte me veshjen e saj Schiaparelli, përfshirë një moment ku përqafohej me shoqen e saj të ngushtë, Kendall Jenner.
