Aktorja e njohur, Tiffany Haddish ka reaguar ndaj gjestit të Will Smith i cili goditi Chris Rock -un në ceremoninë e 94-të të ndarjes së çmimeve të Akademisë.
Haddish momentin e diskutueshëm e quajti si një veprim të bukur që një mashkull del në mbrojtje të partneres së tij.
“Kur pashë një burrë me ngjyrë të ngrihej për gruan e tij. Kjo do të thoshte shumë për mua”, tha Haddish, 42 vjeç, për People në Governors Ball pas ceremonisë.
Gjatë shfaqjes, Smith, 53 vjeç, doli në skenë dhe goditi Rock , 57 vjeç, pasi Rock bëri një shaka për flokët e gruas së tij Jada Pinkett Smith, shkruan People.
“Si një grua, e cila ka qenë e pambrojtur, që dikush të thotë, ‘Mbaje emrin e gruas sime larg gojës, lëre gruan time të qetë’, kjo është ajo që burri juaj duhet të bëjë, apo jo? Të mbroj ty”, tha Haddish, e cila luajti në “Girls Trip” me Jadën në vitin 2017
“Dhe kjo do të thotë bota për mua. Dhe ndoshta botës mund të mos i pëlqejë mënyra se si ndodhi, por për mua, ishte gjëja më e bukur që kam parë ndonjëherë sepse më bëri të besoj se ka ende burra atje jashtë që e duan dhe kujdesen për gratë e tyre”, tha tutje ajo.
Komediani dhe aktorja vazhdoi duke vënë në dukje se Rock është “një mik” i Will dhe Jada dhe pyeti: “Pse do ta bënit këtë? Ai as nuk e bëri shakanë nga ajo, por ajo ishte lënduar.”
“Nëse ajo nuk do të ishte lënduar, Will ndoshta nuk do të kishte thënë asgjë. Por ju mund ta shihnit qartë se ai ishte… Dhe ata e shfrytëzuan atë. Ata e shfrytëzuan atë, kështu që ‘duhet të bëj diçka’… Ai mbrojti gruan e tij”, tha Haddish.
Incidenti ndodhi pasi Rock, i cili po prezantonte çmimin për dokumentarin më të mirë, i bëri shaka gruas së Will në audiencë.
Jada ka qenë e hapur për humbjen e flokëve të saj në mes të betejës së saj me alopecinë me çrregullime autoimune.
Will qeshi nga vendi i tij gjatë shakasë së Rock-ut, ndërsa Jada nuk e pranoi aq mirë. Smith, i cili më vonë fitoi “Aktorin më të mirë” në ceremoni, më pas doli në skenë dhe goditi Rock-un në fytyrë.
