Sulmuesi Erling Haaland thuhet se po mendon largimin nga Manchester City, nëse sezoni i tyre del të jetë një dështim.
Manchester City po kalon një sezon të vështirë, larg pritshmërive pasi fitoi gjithçka vitin e kaluar.
Sipas gazetës El Nacional, mes kësaj pasigurie, Haaland po vë në dyshim të ardhmen e tij në Etihad Stadium.
Pavarësisht se ka rinovuar së fundmi kontratën e tij deri në vitin 2034, pozicioni aktual i klubit, i pesti në Ligën Premier dhe jashtë vendeve të Ligës së Kampionëve, ka ngritur alarmin.
Haaland, i njohur për ambicien e tij për të fituar tituj dhe për të konkurruar në nivelin më të lartë, është i frustruar nga performanca e dobët e ekipit dhe eliminimi i hershem në Ligën e Kampionëve.
Edhe pse ai nuk e ka shprehur publikisht pakënaqësinë, burime pranë lojtarit bëjnë me dije se ai po mendon të ardhmen e tij nëse gjërat nuk përmirësohen së shpejti.
Klubet më të mira evropiane po monitorojnë situatën. Paris Saint-Germain, në kërkim të një sulmuesi, dhe Bayern Munich, potencialisht duke humbur Harry Kane, kanë shfaqur interes. Ndërsa City nuk dëshiron të shesë, klauzolat e lirimit të Haaland dhe një ofertë e rëndësishme mund të shkaktojnë një transferim.
Situata varet nga mënyra sesi zhvillohet sezoni. Nëse City rikuperohet dhe siguron kualifikimin në Ligën e Kampionëve, shqetësimet e Haalandit mund të lehtësohen. Përndryshe, një largim mund të jetë në karta. /Telegrafi/
