Biznesmenja dhe influencuesja e njohur, Kylie Jenner, ka zgjedhur një mënyrë origjinale dhe të pazakontë për të prezantuar produktin më të ri të kompanisë së saj të kozmetikës, Kylie Cosmetics.
Ajo u shfaq me një reçipeta unike, e mbuluar tërësisht me fara shege, duke tërhequr vëmendjen e ndjekësve në rrjetet sociale.
Pamja kreative shoqëron lançimin e nuancës dhe aromës së re të kremit të buzëve, i cili është frymëzuar nga fruti i shegës. Në një video të postuar në “Instastory”, Jenner shihet duke ngrënë shegë nga një tas i madh, teksa shprehet: “Ha shegët e mia”, duke zbuluar se ndodhej në një set fotografik për produktin e saj të ri, “e veshur si shegë”.
Dashuria e Kylie Jenner për shegën nuk është e re. Në një intervistë për Harper’s Bazaar në vitin 2020, ajo ka deklaruar se farat e shegës janë ndër ushqimet e saj të preferuara, duke shtuar se mund të hajë sasi të mëdha pa u lodhur. Po ashtu, në një video të vitit 2024 nga kuzhina e saj, Jenner tregoi se mban gjithmonë enë me fara shege të pastruara në frigorifer, për t’i pasur gati sa herë e zë uria.
Pasioni i saj për frutat shtrihet edhe më tej, pasi ajo ka nisur t’i kultivojë vetë në kopshtin e saj, përfshirë shegë, luleshtrydhe, boronica, pjeshkë dhe shalqinj. Në një video të publikuar në vitin 2023, Jenner u shpreh se kujdesi për frutat e saj e bën shumë të lumtur, duke theksuar se mezi pret të shijojë shegët e rritura prej saj.
