Trajneri i Manchester Cityt, Pep Guardiola, ka veçuar ndikimin e Jude Bellingham pasi skuadrës së tij i ka rënë me short që të luajë kundër Real Madridit në Ligën e Kampionëve.
City, i kurorëzuar kampion i Evropës për herë të parë sezonin e kaluar, do të përballet me 14 herë fituesin e Real Madridit në tetën e fundit të kompeticionit, me ndeshjen e parë të përballjes së tyre që do të zhvillohet në Santiago Bernabeu më 9 prill.
Madridi do të shkojë në Angli tetë ditë më vonë për ndeshjen e kthimit duke kërkuar të zhdukë kujtimet e takimit gjysmëfinal të dy klubeve sezonin e kaluar.
“Ndikimi i [Bellingham] ka qenë masiv. Është një ekip i ndryshëm nga sezoni i kaluar. Ndikimi i tij është i dukshëm dhe ne duhet të përpiqemi të zbulojmë se çfarë bën ai, për ta kontrolluar atë”, tha Guardiola për mediat të premten.
“Të përballesh me Real Madridin është gjithmonë një sfidë e vështirë, askush nuk mund ta mohojë. Ata janë një klub i jashtëzakonshëm dhe në këtë kompeticion ata mund të kontrollojnë shumë gjëra me përvojën që kanë në të kaluarën”.
“Si sezonin e kaluar do të ketë momente për ta dhe momente për ne. Sa më gjatë t’i mbajmë momentet tona, do të jemi më afër. Ne do të përpiqemi të bëjmë një paraqitje të mirë në Madrid dhe më pas këtu, me njerëzit tanë, ta bëjmë atë përsëri”.
