Erling Haaland është lojtari i momentit. Goli nuk është problem për të. Por, ai s’është akoma në nivelin më të lartë.
Haaland mori përsëri vëmendjen, me një het-trik të shënuar ndaj Manchester United, het-trik ky që ishte i treti radhazi në ‘Etihad’.
Pas ndeshjes, komente për të dha edhe Pep Guardiola. I pyetur nëse Haaland është në nivelin e Lionel Messi, Pep Guardiola ka dhënë disa sqarime. Për të, Haaland s’është në nivelin e argjentinasit për një arsye.
“Dallimi mes Haaland dhe Messi është te fakti se Erling ka nevojë për të gjithë shokët e tij ta bëjë atë. Është e jashtëzakonshme”, ka thënë Guardiola.
“Por, Messi kishte aftësinë t’i bënte të gjitha vet”, shtoi ai.
Komentet e Guardiola kanë ndarë tifozët e City në dy grupe. Disa pajtohen me të thënat e trajnerit, disa mendojnë se Messi nuk do të bënte gjë në Premier League.
