Trajneri i Manchester Cityt, Pep Guardiola ka zgjedhur dy lojtarë që e meritonin të fitonin Topin e Artë, por nuk e fituan kurrë.
Të hënën në mbrëmje, yllit të Cityt, Rodri, iu dorëzua çmimi i Topit të Artë 2024 pas një sezoni të shkëlqyeshëm 23/24 si për klubin ashtu edhe për kombëtaren.
28-vjeçari luajti një rol kyç pasi City fitoi Ligën Premier dhe Spanja fitoi Euro 2024, me Rodrin që ishte njëri nga më meritorët.
Të martën pasdite, trajneri i Cityt, Guardiola foli për Topin e Artë dhe zgjodhi Xavin dhe Andres Iniestën si dy lojtarë që e meritonin të fitonin Topin e Artë.
“Cristiano [Ronaldo] ishte një përbindësh dhe babai i përbindëshave është [Lionel] Messi. Të dy kanë bërë diçka të pabesueshme në 15, 20 vitet e fundit. Dhe ndoshta në atë moment, Xavi dhe Iniesta e merituan edhe Topin e Artë”, ka thënë fillimisht Guardiola.
“Ju e dini që epoka e Cristianos dhe Messit ka qenë e pabesueshme, se si ata e ndanë atë, e merituan dhe ishin në një nivel tjetër. Dhe tani është një epokë tjetër, dhe të gjithë mund të fitojnë Topin e Artë, dhe në fund opinioni është i lirë”, përfundoi trajneri i Cityt.
