Pep Guardiola e ka lavdëruar edhe një herë Kevin De Bruynen, i cili do t’u japë lamtumirën tifozëve të Manchester Cityt sot (e martë) në stadiumin Etihad kundër Bournemouth, duke shënuar ndeshjen e tij të fundit në shtëpi pas një dekade me klubin.
Belgu, i cili pritet të largohet pas një ndeshjeje jashtë fushe kundër Fulham, nuk do t’i bashkohet Cityt për Kupën e Botës për Klube.
Guardiola vlerësoi pasimet e jashtëzakonshme të De Bruyne, duke e krahasuar atë me Messin.
“Njëri është Messi, më i miri që kam parë, sepse ai vepron shumë afër zonës. Më lejoni të mendoj. Do ta vija Kevinin të dytin. Statistikat, golat, asistimet, ndikimi në fazën e tretë të fushës dhe talenti i tij janë unike”.
“Kjo është arsyeja pse ai është një nga më të mëdhenjtë në historinë e këtij klubi. Ai është i veçantë”, ka thënë Guardiola.
De Bruyne, i cili u bashkua nga Wolfsburg në vitin 2015, fitoi 16 trofe, përfshirë gjashtë tituj të Ligës Premier dhe Ligën e Kampionëve në vitin 2023, me 115 gola dhe 179 asistime në 392 paraqitje.
