Deputeti i PDK-së, Përparim Gruda, e ka zënë ngushtë zëvendësministrin e drejtësisë, Vigan Qorrollin.
Derisa ishin pjesë e debatit në “RTK Prime”, Gurda e ka pyetur Qorrollin, nëse Albin Kurti është sot deputet.
Ndonëse kjo pyetje i është bërë disa herë, zyrtari i VV-së ka hezituar të përgjigjet.
“A është Albin Kurti deputet? A është deputet, a jo?”, ka pyetur fillimisht Gruda.
Kurse, përgjigja e Qorrollit ka qenë qesharake.
“Kuvendi i Republikës së Kosovës i certifikuar nga zgjedhjet e 9 shkurtit është i pakonstituuar dhe kaq”, ka thënë Qorrolli.
Duke parë se zyrtari i VV-së po i ikte pyetjes, Gruda ka insistuar sërish.
“A është deputet sot z. Kurti, apo nuk është”, ka përsëritur pyetjen Gruda.
“Kuvendi është i pakonstituua”, është përgjigjur ai.
Më pas Gruda ka tregua se pse nuk përgjigjet Qorrolli.
“Pse nuk përgjigjeni? Sepse e di që nuk të bëjnë mirë”, ka thënë Gruda.
