Gruaja në Podujevë publikon fotografi me armë në dorë, arrestohet

Policia e Kosovës ka njoftuar se ka arrestuar një grua në Podujevë, pasi kishte publikuar fotografi në rrjete sociale me armë në dorë.

Tutje, është bërë e ditur se e dyshuara është liruar në procedurë të rregullt.

“Është arrestuar e dyshuara femër kosovare e cila është parë në rrjete sociale në foto me armë në dorë. Me vendim të prokurorit kompetent e dyshuara është liruar në procedurë të rregullt, përderisa për procedura të mëtejme janë informuar institucionet kompetente”, thuhet në njoftimin e Policisë së Kosovës.