Ditën e djeshme Sindikata e Bashkuar e Arsimit, (SBASHK) njoftoi se do të kërkojnë mendimin e anëtarsisë në lidhje me pezullimin e grevës.
Gazeta Scanner ka kontaktuar anëtarë të Këshillit Grevisht, për të pyetur më gjerësisht, por sipas tyre, pavarësisht që ende nuk kanë dal rezultatet e anëtarsisë për të pezulluar apo jo grevën, gjasat janë greva të vazhdojë.
“Ende nuk kemi marrë opinionet dhe qëndrimet e antarsisë dhe posa t’i marrim, brenda këtyre ditëve do të dalim me rezultate, dhe do ta njoftojmë edhe BSPK-në. Ju siç jeni në dijeni BSPK-ja e ka shpallë grevën dhe BSPK-ja është ajo që e pezullon grevën”, thanë nga SBAShK.
Por, mësohet se shumica e mësimdhënësve janë pro vazhdimit të grevës, deri në realizimin e kërkesave tyre.
Ndryshe, greva në arsim dhe tek shërbyesit civilë po përmbyll javën e pestë.
