Emisari Special i Presidentit Donald Trump, Richard Grenell, ka uruar 17 vjetorin e pavarësisë së Kosovës.
Grenell në X, ka shkruar edhe për ish-Presidentin Hashim Thaçi, ku thotë se ky moment historik është lënë në hije nga një padrejtësi e rëndë.
“Megjithatë, ky moment historik është lënë në hije nga një padrejtësi e rëndë. Babai themelues i shtetësisë së Kosovës, presidenti Hashim Thaçi, duhet të festojë sot në Prishtinë – jo pas hekurave në Hagë”, ka shkruar Grenell.
“Ky burgim i padrejtë duhet të marrë fund”, shkruan ndër të tjera Grenell.
Postimi i plotë:
I uroj të gjithë miqve të mi në #Kosovë një festë të gëzueshme dhe të sigurt në 17 vjetorin e pavarësisë së tyre.
Megjithatë, ky moment historik është lënë në hije nga një padrejtësi e rëndë. Babai themelues i shtetësisë së Kosovës, presidenti Hashim Thaçi, duhet të festojë sot në Prishtinë – jo pas hekurave në Hagë.
Evropianët nuk kanë arritur të veprojnë kundër kësaj padrejtësie në 5 vitet e fundit. Dhe institucionet shtetërore të Kosovës kanë dështuar të ndërmarrin veprimet e nevojshme ligjore për t’i dhënë fund kësaj padrejtësie – për shkak të politikës.
Ky burgim i padrejtë duhet të marrë fund. #JackSmith
