Analisti politik Bleron Baraliu, i cili dikur përkrahte fuqishëm Albin Kurti, ka komentuar rënien e kryeministrit në grackën e dy komedianëve rusë.
Ai e ka vlerësuar si shqetësuese bisedën që shefi i qeverisë e ka bërë me komedianët rusë.
Në profilin e tij në “Facebook”, ai ka shkruar se Kurti është një politikan thellësisht naiv dhe i pamençur.
Sipas tij, pas rënies në këtë grackë tashmë e gjithë vota e di Kurti është një amater i jashtëzakonshëm.
Baraliu ka kërkuar largimin e Kurtit nga politika.
“Tani më nuk kemi të bëjmë me një çështje politike apo digresion këndvështrimesh kundërthënëse; tani secili joanalfabet duhet t’a kuptojë se Albini Kurti duhet të pensionohet urgjentisht, sepse në rrethanate tanishme ai peshon rëndë në supet e Kosovës kundrejt marrëdhënieve ndërkombëtare dhe synimeve progresive. Të gjithë me sy hapur tani duhet t’a pranojnë pa mashtruar veten më tutje se mbreti sot është krejtësisht lakuriq!”, ka shkruar ai.
Positimi i plotë 👇:
Imperator nullas vestes habet!
Ironia më e thellë e tragjikomedisë politike kosovare në njëzet vjetët e fundit është se — siç kam thënë sa e sa herë publikisht në debate televizive, madje edhe gjatë kohës që e kam mbështetur bindshëm ardhjen e VVsë në pushtet — Albin Kurti është një politikan thellësisht naiv dhe i pamençur.
Pas rënies në grackën e dy komedianëve hileqarë, përveç shqiptarëve, serbëve dhe rusëve, tashmë e di edhe e tërë bota se KM Kurti është një amater i jashtëzakonshëm, një politikan me cinizëm të rrallë, dhe një sharllatan i klasit më eklatant në rrafsh diplomatik! Për shembull të thjeshtë, si ka mund të hyjë në bisedë me (gjoja se) kryetarin e Letonisë, flet për ‘homoseksualë’ në një dimension pezhorativ / ad-hominem pa e ditur se po fliste me një homoseksual të deklaruar hapur, dhe, pas njoftimit nga ky kryetar se ‘edhe unë jam gej’, KM Kurti të deklaroj hapur se nuk e dinte këtë!!! (Kjo edhe dëshmon se kabineti i tij është një grup amaterësh.)
Kurti, është i pamençur; përveç që është paranojak (diçka e njohur për të gjithë), kam bindjen se ai, përveç se qartë lëngon në anglisht, nuk di as matematikë, filozofi, apo diçka tjetër me peshë në shkencë apo politikë për rolin e një kryeministri. Këtë nuk e them me hamendje apo pa kujdes — Kurti është shembull i mprehtë i konstruktit figurativ ‘një milje gjerë por një milimetër thellë!’
Kjo nuk nënkupton që Kurti nuk ka lexuar vëllime të tëra e shpenzuar dekada ‘përvojash’ më shumë se gati të gjithë ne, por që në thelb ai në këtë proces e ka humbur toruan brenda konfuzitetit e ndërlidhjeve të tepërta kontradiktore të cilave iu është ekspozuar vullnetarisht karshi brishtësisë së integritetit të tij intelektual (ata që e njohin Albinin e dijnë sa lehtë mund të kompleksosh atë me një ‘lajm’ a ‘informatë’ të llojit ‘e pashë këtë duke llafosur me atë).
Tani më nuk kemi të bëjmë me një çështje politike apo digresion këndvështrimesh kundërthënëse; tani secili joanalfabet duhet t’a kuptojë se Albini Kurti duhet të pensionohet urgjentisht, sepse në rrethanate tanishme ai peshon rëndë në supet e Kosovës kundrejt marrëdhënieve ndërkombëtare dhe synimeve progresive.
Të gjithë me sy hapur tani duhet t’a pranojnë pa mashtruar veten më tutje se mbreti sot është krejtësisht lakuriq!
