Shtëpia e Perrie Edwards dhe të fejuarit të saj është grabitur ndërsa ata ndodheshin në katin e poshtëm me djalin e vogël të tyre Axel.
Policia u thirr menjëherë në rezidencën e këngëtares së Little Mix dhe futbollistit të Liverpool, e cila ndodhet në Anglinë veriperëndimore.
“Hajdutët kanë hyrë në shtëpi duke vjedhur bizhuteri dhe çantat e dorës ndërkohë që ata ishin brenda.”- thotë një burim për britaniken The Sun.
Një mik i afërt i çiftit, vijon duke thënë për median se policët kontrollojnë pamjet e kamerës për të marrë më shumë të dhëna dhe për të identifikuar grabitësit.
Dyshja kanë mbetur të tmerruar dhe mjaft të lënduar nga kjo ngjarje.
Kujtojmë se çifti janë së bashku për më shumë se pesë vite. Pasi konfirmuan romancën e tyre në fillim të vitit 2017, dyshja mirëpritën Axelin më 21 gusht 2021.
