Google thuhet se po punon për një veçori të re të Android që do t’i ndihmojë përdoruesit të aktivizojnë automatikisht “Modalitetin e Aeroplanit” gjatë një fluturimi.
Teknologjia thuhet se do të ofrojë funksione të përmirësuara për modalitetin “Aeroplan”, transmeton Telegrafi.
Kompania ka paraqitur një patentë për mënyrën e ardhshme për t’u lidhur me rrjet në aeroplan, nëpërmjet Organizatës Botërore të Pronësisë Intelektuale (WIPO).
Aktualisht, përdoruesve iu kërkohet të aktivizojnë manualisht modalitetin e aeroplanit kur janë në një fluturim. Gjithashtu, funksioni ekzistues i modalitetit të aeroplanit mbyll të gjitha lidhjet në shumicën e pajisjeve.
Sipas një raporti nga ParkiFly në bashkëpunim me David Kowalskin, Google ka paraqitur një patentë për një modalitet për t’u lidhur gjatë fluturimit.
