- Advertisement -
Një aksident trafiku ka ndodhur rreth orës 17:20 në Komoran tek vendi i quajtur “Kroi i Mbretit”.
Policia e Kosovës ka konfirmuar se një këmbësore është goditur nga vetura.
Për pasojë, viktima ka ndërruar jetë.
“Më ora 17:20, policia është njoftuar për një aksident trafiku të ndodhur në rrugën nacionale Prishtinë-Pejë (te Kroni i Mbretit). Nga vendi i ngjarjes, patrulla e policisë njofton se një veturë ka goditur një këmbësore. Për rastin është njoftuar edhe ekipi emergjent mjekësor, të cilët kanë konstatuar se këmbësorja është pa shenja jete. Policia po merret me rastin”, kanë thënë nga Policia e Kosovës.
