Ndryshe nga shumë të moshuar që zgjedhin të shijojnë pensionin me udhëtime në anije, punime dore apo gjumë të qetë, Karin Walk nga Berlini ka një pasion të veçantë: futbollin.
Në moshën 73-vjeçare, ajo është futbollistja më e vjetër në Gjermani dhe vetëm së fundmi ka nisur të luajë futboll aktivisht.
Karin tregon për gjermanen Bild, se sporti ka qenë gjithmonë pjesë e jetës së saj.
Si vajzë e vogël, ajo përjetonte me emocion ndeshjet e ekipit kombëtar gjerman, ndërsa familja e saj ishte gjithmonë tifozë e klubit Hertha Berlin.
Kujtimet e saj nga fëmijëria përfshijnë edhe vizitat në stadium, ku babai e mori për herë të parë për të parë një ndeshje.
Pavarësisht moshës, Karin vazhdon të ndjekë ëndrrën e saj sportive, duke treguar se pasioni dhe dëshira nuk kanë kufij moshe.
