Gjyqtarja e Kushtetueses fiton çmimin prestigjioz për Mbrojtjen e të Drejtave të Njeriut në ShBA

Profesoresha e Fakultetit Juridik të Universitetit të Prishtinës dhe njëherazi gjyqtarja e Gjykatës Kushtetuese të Kosovës, Remzije Istrefi-Peci, është vlerësuar me çmimin prestigjioz për Mbrojtjen e të Drejtave të Njeriut nga Samiti Global mbi Kushtetutshmërinë.

Çmimi ndahet nga Samiti Global mbi Kushtetutshmërinë që organizohet nga Universiteti i Texasit, i vendosur në Austin të Shteteve të Bashkuara të Amerikës.

Lajmin e ka bërë të ditur ish-presidentja e Kosovës, Atifete Jahjaga, përmes një postimi në Facebook, ku ka vlerësuar punën dhe përkushtimin e profesoreshës Istrefi-Peci.