- Advertisement -
Gjykata Speciale ka publikuar një video përmbledhëse për ecurinë e gjyqit në Hagë ndaj ish-presidentit Hashim Thaçi, ish-kryeparlamentarit Kadri Veseli, Jakup Krasniqi dhe Rexhep Selimi, duke përmbledhur zhvillimet nga konfirmimi i aktakuzës deri te dëshmitarët dhe provat e paraqitura.
Mbrojtja pritet të nisë fjalët përmbyllëse më 9 shkurt, një moment kyç i procesit.
Pas kësaj, gjyqtarët do të kalojnë në shqyrtime të mbyllura, ku do të analizojnë në detaje provat dhe dëshmitë për të nxjerrë vendimin përfundimtar.
Sipas njoftimit zyrtar, në këtë fazë do të peshohet besueshmëria e dëshmitarëve dhe vlera e çdo prove të administruar gjatë gjyqit, përfshirë dokumente dhe materiale të tjera.
