Gjykata e lartë e BE-së ka lënë në fuqi sanksionet kundër miliarderit rus Roman Abramovich.
Ish-pronarit të klubit të futbollit Chelsea, dhe disa biznesmenëve të tjerë rusë, i kishin ngrirë asetet pasi Moska pushtoi Ukrainën në një përpjekje për të penguar financimin e luftës së Rusisë.
Ai nisi një sfidë ligjore kundër sanksioneve, por gjykata e rrëzoi ankesën e tij sot.
“Gjykata e Përgjithshme rrëzon padinë e ngritur nga Abramovich, duke mbajtur kështu masat kufizuese të marra kundër tij”, thuhej në vendim.
Gjykata vuri në dukje rolin e tij në kompaninë ruse të çelikut Evraz dhe faktin se çeliku siguronte një burim të madh të ardhurash për qeverinë ruse.
Abramovich, i cili gjithashtu ka nënshtetësi izraelite, u bë një nga biznesmenët më të fuqishëm në botë pas shpërbërjes së Bashkimit Sovjetik në vitin 1991.
Forbes vlerëson pasurinë e tij neto në 9.2 miliardë dollarë.
