- Advertisement -
Sekretari i PDK-së, Betim Gjoshi sonte në “Edicionin Special” në Klan Kosova foli për protestën e veteranëve që u mbajt sot, duke thënë se qytetarët janë organizuar vet.
Ai u shpreh se kjo protestë ishte një reagim, siç tha ai, duke parë që në Speciale s’ka drejtësi, por devijim, përcjell Klankosova.tv.
“Qytetarët vet janë organizuar, ju kanë përgjigjur në mënyrë kaq masive, me një organizim të shpejtë, i cili ka qenë një reagim duke parë që nuk është duke ndodhur në gjykatë ajo që është pritur, drejtësia, por kemi një devijim, ditëve të fundit kemi parë edhe pranim të dokumenteve nga Gjykatat e Serbisë dhe nga organet e Serbisë, fabrikime që ne e dimë që janë bërë që nga vitet e 90-ta, ende pa ndodhur lufta për liri”, u shpreh tutje Gjoshi.
