Betim Gjoshi, sekretari Organizativ i Partisë Demokratike e Kosovës, ka thënë se hipokrizia e radhës e Qeverisë është sot kur kryeministri Albin Kurti, sipas tij, bëhet sikur e respekton heroin Enver Zymberi.
Me anë të një postimi në rrjetin social Facebook, ai ka thënë se Kurti e ka arsyetuar dhe mbrojtur të gjithë bisedën e shefes së Grupit Parlamentar të Vetëvendosjes, Mimoza Kusari me Slavko Simiqin e Listës Serbe, derisa ajo e përmendte edhe Enver Zymberin.
Postimi i tij i plotë:
Sot do ta shohim hipokrizinë e radhës të këtij pushteti, ku Albin Kurti po bëhet sikur e respekton Heroin Enver Zymberi.
Albin Kurti e ka arsyetuar dhe mbrojtur të gjithë bisedën e shefes së Grupit Parlamentar të Vetëvendosjes, Mimoza Kusari me Slavko Simiqin e Listës Serbe.
Kryeministri Kurti e ka mbrojtur edhe këtë bisedë, ku e dërguara e tij flet me mosrespekt për Heroin Enver Zymberi.
Natyrisht se e mbron, sepse Albin Kurti po koordinohet me Milan Radojçiqin dhe Listën Serbe përmes Mimoza Kusarit dhe Slavko Simiqit.
Për Qeverinë Zdravo, në krye të së cilës qëndron kryebashkëpunëtori i Radojçiqit, Heroi Enver Zymberi është “ai polici që e kanë vra”.
