Sekretari i Partisë Demokratike të Kosovës, Betim Gjoshi ka reaguar në lidhje me caktimin e datës së zgjedhjeve.
Gjoshi ka thënë se koha e Albin Kurtit dhe Vetëvendosjes po mbaron.
“Zgjedhjet u caktuan dhe koha e Albin Kurtit dhe Vetëvendosjes po mbaron.” – ka shkruar ai.
Gjoshi tutje ka thënë se Kosova do t’ia dalë të triumfojë mbi Kurtin, “njeriun që historia do ta mbajë në koshin e plehrave të kombit.”
“Gjashtë muaj janë para nesh për të biseduar me qytetarët që kurrë të mos kthehen më 4 vite errësirë, dhunë, terror psikologjik për luftën te dera, shkatërrim të aleancës shqiptaro-amerikane, regres ekonomik, fatura të larta për çdo gjë që konsumojmë. Kosova do t’ia dalë të triumfojë mbi Albin Kurtin, njeriun që historia do ta mbajë në koshin e plehrave të kombit.” – ka përfundur Gjoshi.
