Trofeu i UEFA Europa Conference League peshon 11 kilogramë, është i gjatë 57.5 centimetra dhe i përmban 32 shufra gjashtëkëndore që shtrihen lartë nga baza e tij.
Këto shufra e përfaqësojnë secilin ekip që mori pjesë në fazën e grupeve të kësaj gare, e cila po mbahet për herë të parë.
Dizajneri i këtij trofeu, Jon Marshall ka folur për idenë se si do të duket trofeu i Conference League,
“Koncepti i ‘hapjes’ kalon përmes këtij projekti: UEFA e zhvilloi këtë turne për t’ua hapur mundësinë e lavdisë klubeve nga qytetet dhe vendet më të vogla. Kështu që ne dolëm me një koncept të hapjes, përmes shtyllave. Ju mund t’i shihni fytyrat e lojtarëve në pjesën e poshtme të kupës kur ajo ngritët dhe ata e përshkojnë atë përreth. Dhe, pjesët e arta do ta japin një shkëlqim të ngrohtë në shprehjet e tyre të gëzimit”, shpjegoi Marshall.
Sonte do të luhet ndeshja e parë finale ndonjëherë në UEFA Europa Conference League dhe ajo do të luhet në Tiranë, ndërmjet Romës dhe Feyenoordit, duke filluar nga ora 21:00.
