- Advertisement -
Në praninë e Komisionit të Garave, kryetarit Abdyl Bellopoja e anëtarit Isak Ejupi, administratorit të Superligës dhe Ligës së Parë, Agron Shosholli si dhe përfaqësuesve të klubeve është bërë tërheqja e shortit për 1/8 të Kupës së Kosovës në futboll.
Në këtë rreth të garave janë të përfshira 16 skuadra, të cilat më 3 dhe 4 shkurt do të përballen për kualifikim tutje.
Ndeshja kryesor e 1/8 së finales së Kupës është ajo mes Gjilanit dhe Prishtinës. Llapi ka punë me Trepçën ’89, kurse kampionët e Superligës, Ballkani do të përballen me Vllaznimi.
Çiftet pas tërheqjes së shortit:
Trepça ‘89 – Llapi
Gjilani – Prishtina
Drita – Rilindja 74
Vjosa – 2 Korriku
Feronikeli – Malisheva
Suhareka – Prishtina e re
Ballkani – Vllaznimi
Dukagjini – Dinamo
