Negociatat për rinovimin e kontratës mes Napolit dhe Amir Rrahmanit janë bllokuar, dhe thuhet se për mbrojtësin kosovar janë interesuar Fenerbahçe dhe Beshiktash.
Media italiane “Corriere dello Sport” e ka raportuar lajmin me titullin: “Pas kampionëve arabë, edhe turqit u hodhën në sulm për Rrahmanin.”
Klubet po vazhdojnë përgatitjet për merkaton e janarit.
Sipas mediave italiane, Amir Rrahmani ka vënë përballë njëra-tjetrës Fenerbahçen dhe Beshiktashin.
Thuhet se dy gjigantët e Superligës turke duan të shfrytëzojnë ngecjen e bisedimeve mes mbrojtësit kosovar dhe Napolit për kontratën e re.
Amir Rrahmani ka luajtur 7 ndeshje këtë sezon me fanellën e Napolit. Rrahmani, i cili ka kontratë me Napolin deri në vitin 2027, ka një vlerë tregu prej 12 milionë euro.
