Gjest i mrekullueshëm: Qytetari gjen mbi 1 mijë euro në Prishtinë, i dorëzon në polici

Policia e Kosovës, ka njoftuar se, një qytetar A.B, ka dorëzuar një portofol ku kishte një shumë parash si dhe dokumente personale

Policia ka njoftuar edhe se, këto para dhe dokumentet i janë kthyer pronarit.

Njoftimi i plotë:

Policia vazhdon të jetë adresa e parë, të cilës qytetarët i besojnë dhe i drejtohen.

Dje në stacionin policor Qendra, në Prishtinë, një qytetar A.B, ka dorzuar një portofol ku kishte një shumë parash dhe dokumente personale, të cilat i janë kthyer pronarit.

Duke çmuar këtë gjest human, falenderojmë të gjithë qytetarët për bashkëpunimin e vazhdueshëm me Policinë e Kosovës.