Kjo reformë zgjedhore e propozuar nga koalicioni “semaforë” (të Gjelbër, Social Demokratë, Liberalë), u konfirmua me vendim të Gjykatës Kushtetuese në Karlsruhe.
Parlamenti gjerman është unik në atë që nuk ka një numër të qëndrueshëm mandatesh, por ndryshon në varësi të rezultateve të zgjedhjeve.
Kur votuesit, sipas sistemit aktual, shkojnë në qendrat e votimit, ata mund të votojnë në dy lista. Në të parën votojnë për një kandidat nga rrethi i tyre lokal, prej të cilëve 299 në Gjermani dhe në të dytën për partinë politike që mbështesin.
Çdo kandidat që fiton mjaftueshëm mbështetje në komunitetin lokal i garantohet një vend në Bundestag. Vendet e tjera në parlament ndahen me vota në listën e dytë, ku partitë marrin përfaqësues në varësi të mbështetjes që kanë.
Sigurisht, ky sistem krijoi probleme që çuan në një zgjerim të ndjeshëm të numrit të përfaqësuesve, shkruajnë mediat gjermane.
Për të qartësuar sistemin aktual zgjedhor, përdoret shembulli i dy partive me rezultate të ndryshme zgjedhore.
Një parti ka fituar 100 me mandate të drejtpërdrejta dhe sipas përfaqësimit proporcional duhet të ketë 120 mandate. Praktikisht, ajo parti do të merrte 120 mandate, me 20 përfaqësues nga lista e dytë, së bashku me 100 kolegë të tyre që fituan mandate direkt.
Nga ana tjetër, marrim shembullin e një partie që ka fituar 100 mandate drejtpërdrejt dhe ka fituar 80 mandate me përfaqësim proporcional. Në atë rast, partia do të merrte sërish 100 përfaqësuesit e saj dhe parlamenti do të zgjerohej me 20 vende.
Sipas ndryshimeve të propozuara, shembulli i dytë nuk do të jetë më i mundur. Sipas ligjit të ri zgjedhor në Gjermani, partia nga shembulli i dytë do të fitonte 80 mandate, sipas asaj që pason sipas rezultatit proporcional. Kjo do të thotë se 20 persona do të mbeten pa mandate, edhe pse janë fitues në qarkun e tyre.
Megjithatë, vlen të theksohet se fitimi i të paktën tre mandateve të drejtpërdrejta për partitë që nuk e kaluan pragun (pesë për qind) garanton përfaqësimin proporcional në Bundestag, gjë që u konfirmua nga Gjykata Kushtetuese gjermane.
Kjo ndodhi me Partinë e Gjelbër në ciklin e kaluar zgjedhor, kur fituan 4.9 për qind të votave kombëtare, por edhe tre mandate të drejtpërdrejta. Me këtë ata siguruan 39 përfaqësues në Bundestag.
