- Advertisement -
Një person është gjetur pa shenja jetë në rrugën “Bajram Kelmendi” në Prishtinë.
Rastin për Klankosova.tv e ka konfirmuar zëdhënësja për rajonin e Prishtinës, Flora Ahmeti, e cila shtoi se rasti është duke u cilësuar si vdekje e dyshimtë.
“Sot rreth orës 19:00, nga një ekip mjekësor kemi pranuar informatën për një person pa shenja jete në rrugën “Bajram Kelmendi” në Prishtinë”, u shpreh Ahmeti.
“Policia menjëherë ka dalë në vendin e ngjarjes dhe në koordinim me prokurorin ka nisur hetimin e rastit si vdekje e dyshimtë dhe po ndërmerr të gjitha veprimet e duhura hetimore dhe ato forenzike – të ekzaminimit, që do të ndihmonin hetimin e ngjarjes si dhe sqarimin dhe ndriçimin e plotë të rastit”.
