Gjendet pa shenja jete një burrë në Gjilan, rasti po hetohet

Një burrë është gjetur pa shenja jete në orët e hershme të mëngjesit të djeshëm në Gjilan.

Policia ka klasifikuar rastin si “vdekje e dyshimtë” dhe ka nisur hetimet për të sqaruar rrethanat.

Trupi i pajetë është dërguar për obduksion në Institutin e Mjekësisë Ligjore (IML), me vendim të prokurorit të rastit.

“Gjilan, 27.06.2025 – ora 05:50. Është gjetur pa shenja jete një mashkull kosovar. Vdekja është konfirmuar nga ekipi mjekësor. Me urdhër të prokurorit, trupi i pajetë është dërguar në IML për obduksion. Rasti është nën hetim” – thuhet në raportin e Policisë.