- Advertisement -
Një trup i pajetë është gjetur mbrëmjen e së martës në një banesë në Fushë Kosovë.
Lajmin e ka konfirmuar për Express zëdhënësja e Policisë për rajonin e Prishtinës, Flora Ahmeti.
“Sonte rreth orës 20:00 kemi pranuar informatë për një person (mashkull) pa shenja jete, në një banesë në rrugën ‘Besa Besë’ në Fushë Kosovë”, tha Ahmeti.
Ajo bëri të ditur se vdekja e personit është konstatuar nga ekipi i mjekëve emergjentë në vendin e ngjarjes.
Ndërkohë, Policia, në koordinim me Prokurorinë, ka nisur hetimet për të sqaruar rrethanat që karakterizojnë rastin.
