- Advertisement -
Katër motoristët që u zhdukën në Shtërpcë janë gjetur shëndosh e mirë.
Kështu ka konfirmuar për IndeksOnline, kryetari i komunës së Suharekës, Bali Muharremaj.
Me të marrë lajmin për zhdukjen e katër motoristëve nga Suhareka, Muharremaj iu bashkëngjit policisë në malet e Shtërpcës, për të ndjekur nga afër operacionin e kërkim-shpëtimit.
Katër motoristët u gjeten në pjesën malore të quajtur Rrokopeq, pranë fshatit Maçitevë të Suharekës.
Gjendja e tyre shëndetësore është e mirë, dhe për gjetjen e tyre ishin angazhuar njësitet policore dhe Shoqata e Kosovës për Kërkim dhe Shpëtim.
