- Advertisement -
Nottingham Foresti e ka shënuar të hënën fitoren e gjashtë rresht në Premier League. Është kjo e arritur e veçantë për këtë skuadër.
Në kampionatin elitar të Anglisë, Nottinghami nuk i kishte gjashtë fitore rresht nga shtatori i vitit 1979.
Nottinghami të hënën fitoi 3:0 në udhëtim ndaj Wolvesit, në kuadër të xhiros së 20-të të Premier Leagues.
Morgan Gibbs-White në minutën e shtatë, Chris Wood në minutën e 44-të dhe Taiwo Awoniyi në minutën e 94-t i realizuan golat.
Nottinghami është i treti në Premier League me 40 pikë, sa i ka edhe Arsenali në vendin e dytë. Liverpooli udhëheq në tabelë me 46 pikë nga 19 ndeshje.
Wolvesi është i 17-ti me 16 pikë.
