Ish-konkurrentja e BBVA, Gerta Gixhari tregoi qëllimin e saj se pse hyri në një format të tillë.
Në emisionin “Weekend” në Klan Kosova, Gixhari tha se loja e Big Brother i ka pëlqyer që shumë vite.
“Unë kam mbajtur qëndrimet e mia, opinionet e mia, por në vetvete loja më pëlqente, duke qenë se e shikoja nga këndvështrimi i një komentatoreje nga jashtë. Duke më ftuar ta komentoja lojën e Big Brother, fillova ta doja”, u shpreh Gixhari, transmeton Klankosova.tv.
“Si sfidë më ka pëlqyer shumë, dhe kjo më bëri ta marr këtë hap dhe të hyjë në këtë format”, u shpreh tutje ajo.
“Mund ta pranoj që ka pasur qëllime për karrierë, dhe mund ta quaj një hap drejt karrierës. Por qëllim ka qenë për t’i fituar ato para”, u shpreh gazetarja.
Ndërsa ajo shton se loja e Big Brother nuk është aspak ashtu siç duket nga jashtë.
“Shtëpia e Big Brother nuk është ashtu siç e mendon nga jashtë, dhe kur je brenda saj, sepse presioni i kamerave është shumë i madh. Por në asnjë moment s’i kam thënë ‘çfarë i bëra vetes’”, tha Gixhari.
