Në një postim pas seancës së sotme të Kuvendit të Kosovës, ish-kryediplomatja, Donika Gërvalla flet sikur të ishte në luftë.
Këtë luftë, sipas shkrimit, ajo e ka me opozitën duke paralajmëruar një betejë “aspak të lehtë” të hënën.
“Shteti nuk është i shantazhueshëm.
Sot e tejkaluam bllokadën e parë të opozitës dhe bëmë betimin si deputetë. Vazhdojmë të hënën betejën parimore dhe aspak të lehtë për konsolidimin e institucioneve të Republikës së Kosovës, të dala nga zgjedhjet e 9 shkurtit” – ka shkruar Gërvalla.
Theksojmë se partia e parë, Lëvizja Vetëvendosje aktualisht i ka 57 vota në Kuvendin e Kosovës.
Në dy votime, e propozuara për kryeparlamentare, Albulena Haxhiu mori vetëm nga 57 vota.
Nisma Socialdemokrate nuk e votoi për kryeparlamentare, anise edhe vetë ajo kishte deklaruar se i kanë numrat e nevojshëm.
Seanca e radhës do të mbahet të hënën në orën 15:00.
