Rrjedhimisht, si ministre e jashtme, në gati dy vjet, ka takuar zyrtarë e diplomatë të huaj, e në jo pak raste, edhe nga shtetet që s’e kanë njohur Kosovën.
Pavarësisht kësaj, nuk arriti ta bind asnjë vend ta pranojë republikën që ajo e përfaqëson.
Lista e shteteve që e njohin Kosovën s’ka ndryshuar gjatë kohës kur Gërvalla Schwarz është ministre e jashtme dhe zëvendësshefe e qeverisë.
I fundit shtet që pranoi pavarësinë e shpallur më 17 shkurt 2008 në Prishtinë është Izraeli, në shtator të 2020-ës, falë ndërmjetësimit amerikan.
Në këtë kohë, qeveria ishte në dorë të Avdullah Hotit të LDK-së.
Në ministrinë që drejton Gërvalla Schwarz thonë se është punuar për njohje por e pranojnë që rezultati mungoi, për disa arsye.
Aty thanë se është destinuar buxhet e janë bërë fushata për të bindur shtetet mosnjohëse, sikur edhe për anëtarësimin në organizata ndërkombëtare, por pavarësisht lëvizjeve të bëra, nuk dihet kur mund të ketë diçka konkrete.
