Ministrja në detyrë e Punëve të Jashtme dhe kryetarja e partisë Guxo, Donika Gërvalla ka thënë se vazhdimi i koalicionit me Lëvizjen Vetëvendosje për zgjedhjet e 28 dhjetorit, tregon përksuhtimin për reforma të mëdha e ruajtje të sovranitetit të vendit.
Në një postim në Facebook, Gërvalla ka përmendur se bashkë në koalicion do të jetë edhe Aleterativa e udhëhequr nga Mimoza Kusari – Lila, por nuk ka përmendur edhe partinë tjetër të koalicionit, Partinë Shqiptare Demokristiane.
“Partia Guxo do të jetë pjesë e koalicionit të përbashkët me Lëvizjen Vetëvendosje dhe me Partinë Alternativa, në Zgjedhjet e 28 Dhjetorit. Ky vendim reflekton vullnetin tonë të përbashkët për të vazhduar rrugën e reformave të mëdha, rrugën e ruajtjes së sovranitetit të vendit me çdo kusht, rrugën e sundimit të ligjit e luftimit të krimit të organizuar e korrupsionit, rrugën e punës së ndershme dhe të angazhimit për një qeverisje të përgjegjshme ndaj qytetarëve tanë”, ka shkruar Gërvalla.
