Donika Gërvalla-Schwarz, ministre e Jashtme e Kosovës, ka bërë thirrje komunitetit ndërkombëtar, që të ndryshojë qasjen e saj të butë politike ndaj Serbisë.

Me anë të një postimi në paltformën X, Serbia ka shprehur haptazi refuzimin e saj për zbatim të marrëveshjes së Brukselit dhe Ohrit.

”Serbia shprehimisht shpreh refuzimin e saj për të zbatuar dispozitat e marrëveshjeve të Brukselit dhe Ohrit. I bëj thirrje komunitetit ndërkombëtar të pranojë se politika e zbutjes ndaj Serbisë ka dështuar. Tani nevojitet një ndryshim thelbësor.” – ka shkruar Gërvalla.