Deputetja e betuar nga radhët e VV-së, Donika Gërvalla është deklaruar për media pas dështimit të 20-të me radhë për konstituimin e legjislaturës së nëntë në Kuvendit të Kosovës.
Gëvalla tha se kjo bllokadë është shije e keq kundrejt Kosovës për ndërkombëtaret e edhe për Serbinë.
“Një parlament i cili e bllookon vetëveten, nuk jemi te zgjedhja e Qeverisë, jemi të konstituimi i Parlamentit dhe një parlament i cili e bllokon vetëveten natyrisht që lë shije të keqe edhe te miqtë tanë, por edhe te ata që na duan më së paku”, tha Gërvalla.
E pyetur edhe për deklaratën e deputetes Duda Balje, e cila deklaroi se i kanë ofruar vend punë në Shkup për ta votouar Haxhiun, ajo u shpreh se nuk ka asnjë informacion, teksa tha se duhet ta kujtojnë të gjithë se Kuvendi nuk është tregëti.
“Absolutisht nuk kam asnjë informacion për këtë, por i bëjë thirrje edhe znj.Balje edhe z.Hoxha që të heqin dorë nga qasja bllokuese, sepse nuk jemi këtu në pazar ku shitemi dhe blihemi”, tha Gërvalla para mediave.
