Aktorja e famshme, Angelina Jolie, ka pranuar se ka gënjyer për të marrë rolin në filmin  “Maria”.

Ajo luajti rolin kryesor në filmin i cili u nominua për Golden Globes dhe po ashtu konsiderohet i preferuar për Oscar.

Kur Angelina ishte pyetur nëse mund të këndonte ajo kishte thënë se do të bëntë më të mirën pa marrë parasysh vështirësitë.

“Unë kurrë nuk kam kënduar. Një herë dikush më tha se nuk mund të këndoja dhe kjo më bllokoi plotësisht. Nuk i thashë askujt, por është një pjesë e imja që thjesht e shtypa. Kur Larrain më pyeti nëse mund të këndoja, unë thashë se askush nuk mund të këndojë si Maria Callas, por unë do të bëj më të mirën time”, tha Jolie për Variety.

Aktorja ka pranuar gjithashtu se do t’ia dilte mirë në skenat e këngës por gjithçka kishte ndryshuar kur ajo kishte filluar mësimet e para me mësuesin e muzikës.

“Në fillim, bëra gabim duke menduar se do të ishte e thjeshtë, por shpejt kuptova se të kënduarit në opera nuk mund të falsifikohet. Nuk doja të pretendoja të këndoja, por nuk e kuptova se sa serioze do të ishte”, është shprehur ajo.

“Kur mësuesi më tha: “Qëndro fort në këmbë, merr frymë thellë dhe fillo të këndosh, fillova të qaj”, tha ajo.

Gjithashtu, Jolie theksoi se përparimin në të kënduar e kanë vënë re fëmijët e saj, të cilët i kanë thënë se janë krenarë për përpjekjet që ka bërë.