Për shumë gazetarë, raportimi nga zonat e luftës është kulmi i karrierës. Por kjo punë është jashtëzakonisht e rrezikshme.
E tillë është puna e mediave këto ditë, në Ukrainën që po sulmohet nga Rusia.
Dy gazetarë që i kanë provuar vetë këto situata gjatë luftës në Kosovë, thonë se kujdesi duhet të jetë maksimal. Madje Izedin Krasniqi thotë se reporterët duhet të trajnohen para se të shkojnë në zona lufte.
Edhe Haqif Mulliqit, thotë se reporterët duhet marrë këshilla bazë, mirëpo luftërat nuk janë askund të njëjta.
Me gjithë ngjashmëritë mes luftës në Ukrainë dhe asaj në Kosovë para 23 vjetësh, këta gazetarë thonë se atëherë funksionimi ka qenë më i vështirë, për shkak se Serbia nuk respektonte asnjë kriter lufte dhe për shkak të teknologjisë.
Megjithatë, të dy vlerësojnë se raportimi nga lufta është mision i madh.
