Futbollisti spanjoll Gavi do të jetë jashtë fushave deri në nëntë muaj për shkak të lëndimit që pësoi me Spanjën ndaj Gjeorgjisë në mbrëmjen e së dielës në kuadër të kualifikimeve për Kampionatin Evropian.
Testet e kryera të hënën në mëngjes te lojtari i Barcelonës kanë treguar se ai ka një lëndim në ligamentin e kryqëzuar të përparmë në gjurin e tij të djathtë dhe një dëmtim të shoqëruar në meniskun anësor.
Lojtari do të ketë një operacion në ditët në vijim, pas së cilës do të publikohet një përditësim i ri mjekësor.
Këtë sezon Gavi ka bërë 15 paraqitje për Barçën, 13 në formacionin titullar.
Mesfushori ka shënuar kundër Villarrealit në kampionat dhe Royal Antwerp në Champions League dhe ka dhënë edhe një asistim.
Që kur Gavi bëri debutimin e tij në ekipin e parë në moshën 17-vjeçare në gusht 2021 kundër Getafes, mesfushori ka bërë 111 paraqitje, 89 si titullar dhe ka shënuar shtatë gola dhe ka dhënë 12 asistime.
Me Barçën ka fituar titullin e ligës, në 2022/23, dhe Superkupën e Spanjës në të njëjtin sezon. Në nivel individual, Gavi gjithashtu fitoi çmimin Golden Boy në 2022.
